PERANG KANG SEJATI
apa tegese pangalembana yen ati durung nglegena
P e r a n g K a n g S e j a t i
Dening: Yulirahayu Istiawan
Apa tegese pangalembana
Yen ati durung nglegena
Apa jarwane pambombong
Yen pikiran isih gampang kobong
Takonana atimu kang jero
Apa samudayane isih gawe nglokro?
Jumangkah kanthi niat separo
Lumaku kanthi greget kang loyo
Dudu babagan kang gampang
Iki sejatine perkara perang
Antarane bener lan luput
Kuwatna ati aja gampang kepilut
Antarane ala lan becik
Nadyan panggawene mung sakecik
Nanging tembe mburi bakal ketitik
#NgisorWitGedhang, 081024,13.02
What's Your Reaction?
